1. التعريف بأناهنا

أناهنا منصة كتربط المستعملين بالمطاعم الشريكة باش يكومونديو ويتوصلو بالماكلة والتقدية.

2. قبول الشروط

منين كتدخل لأناهنا، كتقبل هاد الشروط بلا تحفظ. إلا ماكنتيش متفق مع هاد الشروط كاملين ولا مع جزء منهم، المرجو ما تستعملش الخدمة ديالنا.

3. استعمال الخدمة

خاصك يكون عندك على الأقل 18 عام ولا يكون عندك الإذن من ممثل قانوني باش تستعمل أناهنا.
كتلتزم تعطي معلومات صحيحة ومحيّنة منين كتصاوب الحساب ديالك.
نتا المسؤول على سرية معلومات الدخول ديالك.

4. الكوموندات والخلاص

الأثمنة معروضة بالدرهم، مع احتساب جميع الضرائب.
الخلاص كيكون كاش عند التوصيل ولا بالكارط البنكية.
الكوموند ما يمكنش تتبدل ولا تتلغى من بعد ما تتأكد، إلا فحالة مشكل ثابت.

المشتري مسؤول مسؤولية كاملة على وسيلة الخلاص اللي استعمل فالعملية. ما يمكنش نكونو مسؤولين بأي حال إلا تدار الخلاص بكارط بنكية ولا بحساب ديال شخص آخر بلا إذنو.

5. التوصيل

أوقات التوصيل تقريبية وتقدر تتبدل على حساب حالة الطريق، الجو ولا الضغط.
أناهنا ما يمكنش تكون مسؤولة على التأخير اللي كيتسبب فيه الغير (المطاعم، المحلات ولا الليفرورات الشركاء).

التوصيل لتغازوت، تامراغت والمناطق القريبة (حوالي 25 كلم من أكادير) يقدر ياخد حتى ساعة ونص على حساب المسافة، حالة الطريق والجو. منين كيكوموندي الكليان لهاد المناطق، كيعترف ويقبل المسؤولية على حرارة الماكلة عند التوصيل.

6. الترجيع والإلغاء

جميع الكوموندات كتعتبر نهائية. أي طلب ترجيع الفلوس خاصو ترجيع المنتوج المعني. من بعد ما يتوصل بيه الفريق ديالنا ويتحقق منو، يقدر يترجع الثمن إلا كان الطلب مطابق لشروط الإرجاع والترجيع ديالنا.

7. المسؤولية

أناهنا خدامة كوسيط. المطاعم والمحلات هوما بوحدهم المسؤولين على جودة الماكلة والتقدية.

أناهنا ما يمكنش تكون مسؤولة على أي ضرر غير مباشر مرتبط باستعمال المنصة.

8. المعطيات الشخصية

كنجمعو ونعالجو المعطيات ديالك فاحترام للقوانين الجاري بها العمل. لمعلومات كثر، المرجو تشوف سياسة الخصوصية ديالنا.

9. توقيف ولا حذف الحساب

كنحتافظو بالحق نوقفو ولا نحيدو أي حساب إلا ما تحترموش هاد الشروط ولا تستعملات الخدمة بطريقة احتيالية.

10. تعديل الشروط

نقدرو نحيّنو هاد الشروط فأي وقت. المستعملين غادي يتعلمو عن طريق التطبيق ولا الإيميل.